SUBSTRUCTIO TABULARUM THEORICARUM, PARTIM Ad inveniendas in singulis (praeter Lunam) Planetis primae Inaequalitatis Aequationes iuxta praestructam nostram hypothesin ellipticam, substrata quidem mensura Eccentricitas tum Philolaica tum Rudolphina: Quarum Duodenarum singulae duabus paginis comprehensae ingressum imperant lateralem Anomaliae mediae, ita quidem, ut gradus ejus vel in margine sinistro cum signo numerico in fronte, vel margine dextro cum signo in calce tabulae capti, concursu suo ad angulos rectos facto, in area exhibeant (non omissa, ubi gradibus scrupula adhaeserint, parte proportionali, beneficio differentiarum dextrorsum hunc in finem intersitarum) aequationem absolutam, Longitudini mediae vel demendam vel addendam, pro casu, lateralis ingreßus vel primo vel secundo, quo inveniatur longitudo heliocentrica vera in orbita propria : Partim Ad inveniendam Anomaliae Synodicae Lunae aequationem cap. secundo, prop. secunda & tertia definitam Numero XIII. ingressu quoque laterali, cum margine solum dextro : Partim Ad inveniendas diurnales differentias, quas singularum Solis diurnarum revolutionum mediarum ascensiones rectae efficiunt, Numero XIV.
